Vai a sottomenu e altri contenuti

AGIORNAMENTU ALBO ISCRUTADORES DE SÈGIU ELETORALE

Data pubblicazione on line: 18/11/2021 Data scadenza: 31/12/2021
COMUNE DE FORDONGIANUS
SERVÌTZIU ELETORALE

ISCRUTADORES DE SÈGIOS ELETORALES
AGIORNAMENTU DE S'ALBO ÙNICU COMUNALE
SU SÌNDIGU

Bidu s'art. 3 de sa lege 8 de martzu 1989, n. 95, comma 5, sostituidu a pustis dae s'art. 9, comma 3, de sa lege 30 de abrile 1999, n. 120, chi previdit s'afissione de manifestu apòsitu pro invitare a chie ddu cheret, a presentare domanda pro èssere iscritos in s'albo ùnicu comunale de sos iscrutadores de sègiu eletorale;

Bida sa tzirculare de su Ministeru de s'Internu n. 166/99 de su 13 de cabudanni 1999, cun argumentu: ''Albo de sas persones idòneas a s'ufìtziu de iscrutadore de sègiu eletorale, art.9 de sa lege 30 de abrile 1999,n.120;

Bida sa tzirculare de su Ministeru de s'Internu - Diretzione tzentrale de s'Amministratzione tzivile - Diretzione tzentrale pro sos servìtzios eletorales - 3 de freàrgiu 2000, n. 9/2000;

Bidu ca, in custu albo, podent èssere iscritos, a domanda, totu sos eletores chi tenent sos rechisidos prevididos dae sa lege mentovada n. 95/1989;

FAGHET PÙBLICU

Totu sos eletores e eletoras de su Comune chi cherent èssere iscritos in s'albo ùnicu comunale de sas persones idòneas a s'ufìtziu de iscrutadore de sègiu eletorale, depent presentare domanda a su sutascritu Sìndigu a intro de su mese de santandria 2021.

Pro pòdere èssere iscritos a custu albo, tocat a tènnere, a su nessi, su tìtolu de istùdiu de s'iscola de s'òbligu.

Cunforma a cantu dispostu in sos artìculos 38 de su D.P.R. 30 de martzu 1957, n. 361 e 23 de su D.P.R. 16 de maju 1960, n. 570 e a sas modificatziones fatas a pustis, sunt esclùdidos dae sas funtziones de iscrutadore de ufìtziu eletorale de setzione:

1) sos dipendentes de sos Ministeros de s'Internu, de sas postas e telecomunicatziones e de sos trasportos;

2) sos chi sunt in servìtziu in sas Fortzas armadas;

3) sos mèdicos provintziales, sos ufitziales sanitàrios e sos mèdicos condutos;

4) sos segretàrios comunales e sos dipendentes de sos comunes incarrigados o cumandados a prestare servìtziu in sos ufìtzios eletorales comunales;

5) sos candidados a sas eletziones de sas votatziones chi si sunt faghende.

Sa domanda si depet compilare in sos mòdulos apòsitos a disponimentu in s'ufìtziu comunale.

Sas domandas arribadas ant a cumpletare s'albo de sos iscrutadores, chi, gasi agiornadu, at a èssere impreadu pro leare sos nùmenes de sos iscrutadores in casu de eletziones chi s'ant a fàghere.

Non depent presentare domanda sos tzitadinos chi dd'ant giai presentada sos annos in antis.

Sos eletores giai iscritos a s'albo podent pedire, a intro de su mese de Nadale 2021, de èssere iscantzellados impreende su modellu a disponimentu in s'Ufìtziu Comunale.

Pro cale si siat àtera informatzione o crarimentu, sos interessados ddos podent pedire a s'Ufìtziu Eletorale, postu in su Pianu terra, in custu oràriu: 08.30 - 09.00 / 11.00 - 13.00 dae su lunis a sa chenàbura; 16.00 - 17.30 lunis e mèrcuris.

Dae sa Residèntzia Comunale, su 01 de santugaine 2021

SU SÌNDIGU

(Serafino Pischedda)

(MM)

A chi rivolgersi

A chi rivolgersi - Referente
Ufficio/Organo: Area Affari Generali (Resp.le Giovanni Carta)
Referente: Antonello Garau
Indirizzo: Via Francesco Coco, 09083 Fordongianus (OR)
Telefono: 0783024526  
Fax: 078360323  
Email: info@comune.fordongianus.or.it
Email certificata:
Scheda ufficio: Vai all'ufficio
torna all'inizio del contenuto
torna all'inizio del contenuto