Vai a sottomenu e altri contenuti

Contributos a impresas piticas e micro

Data pubblicazione on line: 19/01/2021
RESUMU DE SU BANDU PÙBLICU PRO SA CUNTZESSIONE DE CONTRIBUTOS DE NON TORRARE (A FONDO PERDUTO) PRO ISPESAS DE GESTIONE IN AGIUDU A IMPRESAS PITICAS E MICRO PRO S'ISVILUPU DE SAS ÀREAS INTERNAS FINTZAS CUN SA PUNNA DE PARARE FRONTE A SOS EFETOS DE S'EPIDEMIA DAE COVID-19

Si podent presentare sas domandas pro pedire sos agiudos pro sas atividades econòmicas pro custas finalidades:

▪ Agiudu a atividades econòmicas, artigianales e cummertziales pro s'isvilupu de sas àreas internas e pro more de s'emergèntzia causada dae sa pandemia dae COVID-19.

Su Bandu cumpletu e sos allegados pro presentare sa domanda de contributu sunt publicados in s'Albo Pretòriu online e in sa home page de su situ internet www.unionecomunibarigadu.it e in su situ istitutzionale de su Comune de Fordongianus.

Podent presentare domanda sas impresas piticas o micro de atividades econòmicas, artigianales e cummertziale chi

- a sa data de sa publicatzione de custu bandu tèngiant sa sede operativa o sa sede legale in sos Comunes de Ardaule, Bidoniu, Busache, Fordongianus, Neoneli, Nughedu Santa Itòria, Ula;

- siant a manera regulare iscritas a sa Càmera de Cummèrtziu cumpetente pro territòriu;

- siant in règula cun sos disponimentos in matèria de asseguratzione sotziale e previdentziale, cun sos pagamentos de sos contributos e cun sos disponimentos in matèria de seguresa e salude de sos traballadores;

- non siant in s'istadu de crisi o fallimentu o àteru sìmile;

- no apant tentu cundennas penales o àteros provedimentos sìmiles;

- non siant istados colpèvoles de decraratziones farsas fatas a s'Amministratzione Pùblica;

- apant suspèndidu de òbligu s'atividade issoro, in sos meses de martzu-abrile 2020, cunforma a sos D.P.C.M. de su Presidente de su Consìgiu de sos Ministros cun sa punna de parare fronte a s'epidemia de su virus COVID-19.

Cale si siat àtera informatzione prus pretzisa si agatat in su Bandu cumpletu.

Sos interessados depent presentare sa domanda in paperi sèmplitze a intro e no a pustis de mesudie (h. 12,00) de su 25/01/2021 respetende su mòdellu aprontadu e a manera esclusiva cun sa posta eletrònica tzertificada a s'indiritzu: info@pec.unionecomunibarigadu.it

S'iscadèntzia subra indicada pro mandare sa domanda est perentòriu e faghet riferimentu a s'oràriu de su sistema informàticu de achisitzione.

Sas Impresas interessadas sunt cussas chi tenent sa sede legale e/o operativa in custos Comunes:

Ardaule - Bidoniu - Busache - Fordongianus - Neoneli - Nughedu Santa Itòria - Ula.

Su Responsàbile de su protzedimentu est su Rag. Angelo Mura, tel. 0783/024433, posta eletrònica: ragioneria@unionecomunibarigadu.it

(MM)

Documenti allegati

Documenti allegati
Titolo  Formato Peso
Allegadu A Formato pdf 646 kb
Allegadu B Formato pdf 79 kb
Allegadu C Formato pdf 62 kb
Bandu Formato pdf 290 kb
Determinatzione Formato pdf 256 kb
Mòdulu domanda Formato docx 20 kb

A chi rivolgersi

A chi rivolgersi - Referente
Ufficio/Organo: Area Affari Generali (Resp.le Giovanni Carta)
Referente: Antonello Garau
Indirizzo: Via Francesco Coco, 09083 Fordongianus (OR)
Telefono: 0783024526  
Fax: 078360323  
Email: info@comune.fordongianus.or.it
Email certificataa:
Scheda ufficio: Vai all'ufficio
torna all'inizio del contenuto
torna all'inizio del contenuto